Gələcəyimizi birlikdə düşünək-narkomaniyaya yox deyək!
Bakı Şəhəri BPİ-nin yetkinlik yaşına çatmayanların işi üzrə bölmə rəisi polis polkovnik leytenantı Məryəm Ömərova, Binəqədi RPİ-nin YYÇPİTB-nin baş inspektoru polis polkovnik leytenantı Fizzə Məmmədovanın iştirakı ilə məktəbin AKT zalında "Narkomaniyaya yox deyək" adlı tədbir keçirilib. Tədbirə məktəbin VII-XI sinif şagirdləri və valideynlər cəlb olundu. Tədbir məktəbin direktoru Rübabə Abdullayevanın çıxışı ilə başladı. Məryəm Ömərova öz çıxışında şagirdlərin zərərli vərdişlərdən qorunma yollarına toxundu. Tədbirin keçirilməsində əsas məqsəd şagirdləri narkomaniya və digər zərərli vərdişlərin fəsadları barədə məlumatlandırmaq, onların belə vərdişlərdən uzaq durmaları, savadlı, vətənpərvər olmaları, sağlamlıqlarını qorumaları barədə maarifləndirməkdən ibarət olub.
