20 Yanvar - Ümumxalq Hüzn Günü
Azərbaycanın hər bir vətəndaşının qəlbində şəhidlərə dərin ehtiram hissi var. Biz Vətənin müstəqilliyi və ərazi bütövlüyü uğrunda canlarından keçmiş, bununla da, cəsarət simvoluna çevrilmiş igid bacı və qardaşlarımızla fəxr edirik. Onların uyuduqları Şəhidlər xiyabanı bizim müqəddəs and yerimizə çevrilmişdir. Şagirdlərdə xalqımıza qarşı törədilmiş faciələr haqqında bilgilərin artırılması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği məqsədi ilə "20 Yanvar - Ümumxalq Hüzn Günü" ilə bağlı tədbirlərimiz davam edir. Hər il olduğu kimi, bu il də məktəbimizin direktoru R. Abdullayevanın rəhbərliyi ilə müəllim və şagirdlər müqəddəs ziyarət məkanında olmuş, şəhidlərin qəbrini ziyarət etmişlər. Şəhid məzarlarına tər qərənfillər düzən müəllim və şagirdlər azadlıq aşiqlərinin ruhuna öz dərin hörmət və ehtiramlarını bildiriblər.
