“Azərbaycan talerant ölkədir” mövzusunda tədbir
Xətai rayon İcra Hakimiyyəti və YAP-ın Xətai təşkilatının əməkdaşlığı ilə məktəbimizdə “Biz birlikdə güclüyük” adlı “Azərbaycan talerant ölkədir” mövzusunda tədbir keçirildi. Tədbirdə qonaq qısmində Xətai rayon İcra Hakimiyyətinin İctimai-siyasi və humanitar məsələlər şəbəsinin müdir müavini-dini qurumlarla işin təşkilatçısı Məhəmməd İbrahimov, Dini Qurumlarla iş üzrə Dövlət Komitəsinin əməkdaşı Nuru İmanov,YAP-ın Xətai təşkilatının sədri Vüqar Rəhimzadə, 3 sayli uşaq evinin müdiri Gülnarə Quliyeva da iştirak etdilər. Tədbirdə şagirdlər müxtəlif xalqların rəqslərini ifa etdilər, müxtəlif dillərdə şeirlər söylədilər.Gələn qonaqlar, Azərbaycanın bir talerant ölkə olduğunu və bütün xalqların mehriban və sülh içərisində, dini inanclarına görə basqı altında olmadan yaşadıqlarını vurğuladı.
