29 №-li tam orta məktəb

İyunun 17-də “Yay məktəbi”nin təşkili ilə bağlı mediatur keçirilib.

Bakı şəhəri 32 nömrəli tam orta məktəb və 62 nömrəli məktəb-liseydə təşkil olunmuş mediaturda Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva, İdarənin müvafiq struktur bölmə rəhbərləri və KİV nümayəndələri iştirak ediblər.

Mediaturun məqsədi media nümayəndələrini ilk dəfə təşkil olunan “Yay məktəbi”nin fəaliyyəti ilə bağlı görülən işlərlə  daha yaxından tanış etməkdən ibarətdir. 

BŞTİ-nin müdiri Mehriban Vəliyeva “Yay məktəbi”nin təşkili baxımından nəzərdə tutulan tədbirlər barədə ətraflı məlumat verib. M.Vəliyeva BŞTİ-nin tabeliyindəki 308 ümumi təhsil müəssisəsində “Yay məktəbi”nin fəaliyyət göstərdiyini nəzərə çatdırıb. İdarə müdiri bildirib ki, ümumi təhsil müəssisələrində təşkil olunan “Yay məktəbləri”ndə iştirak etmək istəyən şagirdlər 30 iyun tarixinədək məktəblərdəki mövcud imkanlardan yararlana biləcəklər.

Media təmsilçiləri “Yay məktəbi”ndə təşkil olunan dərslərin gedişini izləyib, bu proseslə bağlı fikir mübadiləsi aparıblar.

Qeyd edək ki, “Yay məktəbi” şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edilib.

“Yay məktəbi”ndə ümumi təhsil müəssisələrinin I-X sinif şagirdləri ödənişsiz və  könüllü əsaslarla iştirak edirlər. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunur. I-IV siniflərdə məşğələlər tədris dili, riyaziyyat, xarici dil fənləri üzrə keçirilir. V-X siniflərdə məşğələlər tədris dili, riyaziyyat, xarici dil fənləri və ümumi təhsil müəssisəsinin rəhbərliyinin qərarı ilə digər 3 fənnə verilir.

Onu da qeyd edək ki, ümumi təhsil müəssisələrində “Yay məktəbi”nin təşkili ilə əlaqədar olaraq  #YayMəktəbi həştəq paylaşımlarına start verilib.  Belə ki, təhsil müəssisələri, şagird və müəllimlər qeyd edilən həştəqlə "Yay məktəbi” ilə bağlı foto və videogörüntüləri sosial şəbəkələrdə paylaşırlar. 

Bakı Şəhəri üzrə Təhsil İdarəsinin tabeliyindəki 308 ümumi təhsil müəssisəsində “Yay məktəbi”nə start verilib.

Ümumi təhsil müəssisələrində təşkil olunan “Yay məktəbləri”ndə iştirak etmək istəyən şagirdlər 16-30 iyun tarixlərində məktəblərdəki mövcud imkanlardan yararlana biləcəklər.

 Qeyd edək ki, “Yay məktəbi”ndə ümumi təhsil müəssisələrinin I-X sinif şagirdləri ödənişsiz və  könüllü əsaslarla iştirak edirlər. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunur. I-IV siniflərdə məşğələlər tədris dili, riyaziyyat, xarici dil fənləri üzrə keçirilir. V-X siniflərdə məşğələlər tədris dili, riyaziyyat, xarici dil fənləri və ümumi təhsil müəssisəsinin rəhbərliyinin qərarı ilə digər 3 fənnə verilir.

 “Yay məktəbi” şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edilib.

14 iyun 2021-ci il tarixində Respublika üzrə ümumtəhsil məktəblərində “Son Zəng” keçirildi. Bu əlamətdar gün məktəbimizdə də geyd olundu. Onbirincilər “Məktəb illəri” musiqisi sədaları altında məktəbin həyətinə daxil oldular. Azərbaycan Respublikasının Dövlət Himni səsləndi. Məktəbin direktoru Reyhan Ələkbərova, direktor müavinləri Samirə Abbasova və Safurə Hüseynova şagirdləri təbrik etdilər, onlara xoş arzularını bildirdilər.

Azərbaycan Respublikası Gənclər və İdman Nazirliyi Xətai Rayon Gənclər və İdman İdarəsinin təşəbbüsü ilə 2020-2021-ci tədris ilində ümumtəhsil məktəblərinin şagirdləri arasında keçirilən onlayn inşa-yazı, rəsm, kino və diqər müsabiqələrdə məktəbimizin şagirdləri fəal iştirak etdilər. Bu müsabiqələrə misal olaraq “Xocalıya ədalət”, “20 yanvar faciəsi tariximizin şərəf və qəhrəmanlıq səhifəsidir”, “Xocalı Soyqırımını unutma”, “Qəhrəmanlıq Salnaməmiz”, “Milli kinomuzdan fraqmentlər”, Nizami ili çərçivəsində keçirilən onlayn rəsm sərgisi, Heydər Əliyevin 98-ci ildönümünə hərs olunmuş “Tarixi şəxsiyyət” adlı müsabiqə, “Müzəffər Ordumuzun Zəfər Yürüşü” adlı onlayn video təqdimat layihəsi və diqər müsabiqələri qeyd etmək olar. Bu müsabiqələrdə iştiraka görə şagirdlərimiz Doplom, Fəxri Fərman, Sertifikatla təltif olundular. Eləcə də tədris ilinin sonunda, məktəb rəhbərliyi tərəfindən məktəbimizin fəal şagirdlərinə “Fəxri Fərman”lar təqdim olundu.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin rəhbərləri ilə onlayn görüş keçirilib.

Onlayn görüşdə BŞTİ-nin müdiri Mehriban Vəliyeva, İdarənin müvafiq struktur bölmə rəhbərləri və məktəb direktorları iştirak ediblər.

Görüşdə çıxış edən BŞTİ-nin müdiri Mehriban Vəliyeva Təhsil Nazirliyi tərəfindən həyata keçiriləcək “Yay məktəbi”nin təşkili baxımından nəzərdə tutulan tədbirlər barədə ətraflı məlumat verib. İdarə müdiri bildirib ki, “Yay məktəbi”nin təşkil olunmasının əsas məqsədi koronavirus pandemiyası və 2020-ci ilin payız aylarında hərbi vəziyyətlə bağlı tədris prosesində yaranmış fasilələrin nəticələrini aradan qaldırmaq, təhsilalanlara zəruri bilik və bacarıqlar verməkdən ibarətdir. Bütün ümumi təhsil müəssisələrində təşkil olunacaq yay məktəbində I-X sinif şagirdləri ödənişsiz və könüllü əsaslarla iştirak edəcək. Hər sinif üzrə minimum 3 şagirdin olması nəzərdə tutulub. Yay məktəbində I-IV siniflərdə tədris həftədə 5 dəfə gündə 3 saat olmaqla, V-X siniflərdə isə tədris həftədə 5 dəfə gündə 3-4 saat olmaqla təşkil olunacaq.

Bu işdə müəllim və direktorların yaradıcı imkanlarının da böyük rolu olduğunu deyən M.Vəliyeva birgə fəaliyyət nəticəsində bu mərhələnin də uğurla başa vurulacağına əminliyini ifadə edib.

İdarə müdiri, həmçinin təmirə görə bağlanan təhsil müəssisələrinin şagirdləri üçün “Yay məktəb”lərinin təşkili, şagirdlərdə “Yay məktəbi”nə marağın yaradılması, ekskursiyaların təşkili, təhsil işçilərinin vaksinasiyası, elektron jurnalların istifadəsi qaydası, yekun summativ qiymətləndirmə və digər cari məsələlərlə bağlı məktəb direktorlarının suallarını cavablandırıb, müvafiq təklif və tövsiyələrini səsləndirib.