29 №-Lİ TAM ORTA MƏKTƏB

2023-2024-cü tədris ilinin başa çatması münasibəti ilə 28.06.2024-cü il tarixində məktəb rəhbərliyi və pedoqoji kollektivin iştirakı ilə  Pedaqoji şuranın iclası keçirildi. İlk olaraq məktəbin direktoru Reyhan Ələkbərova çıxış edərək gündəlikdə olan məsələlər haqqında müəllimləri məlumatlandırdı. Eləcə də direktor müavinləri, məktəbin psixoloqu, kitabxana müdiri, dərnək rəhbərləri və metodbirləşmə  rəhbərləri çıxış edərək öz hesabatlarını verdilər. Müəllimlərin təklif və iradları dinlənildi.Nəticələr təhlil olundu.Qarşıda duran məsələlər müzakirə olundu

Müasir İnformatika dərnəyində şagirdlərə, dərnək rəhbəri R.Şükürova tərəfindən diplom və hədiyyələr təqdim olundu

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.

İyunun 21-də dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsinə başlanılıb.

Qaydalara müvafiq olaraq, test imtahanı ilə bağlı məlumat 15 may tarixində iştirakçıların şəxsi kabinetlərinə göndərilib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində çalışan 2 379 təhsilverən sertifikatlaşdırma prosesinin test imtahanı mərhələsinə  dəvət olunub.

Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova və BŞTİ-nin müvafiq struktur bölmə rəhbərləri imtahan mərkəzinə gəlib və müəllimlərə öz tövsiyələrini verib, uğurlar arzulayıb.

Qeyd edək ki, test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumi təhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizədin kompüterinin ekranında görünür.

Nəzərinizə çatdırırıq ki, test imtahanında mümkün 60 baldan minimum 30 bal toplamış təhsilverənlər sertifikatlaşdırmanın müsahibə mərhələsinə iştirak hüququ qazanacaq.

Xatırladaq ki, Nazirlər Kabinetinin 18 avqust 2022-ci il tarixli qərarına əsasən, dövlət ümumi təhsil müəssisələrinin təhsilverənlərinə sertifikatlaşdırmanın nəticəsinə uyğun olaraq tədris edilən dərs saatına görə test imtahanı mərhələsində nəticə göstərənlərin vəzifə maaşlarına əlavələr ediləcək.

Sertifikatlaşdırmada iştirak edən bütün müəllimlərə uğurlar arzulayırıq!

İyunun 14-də bütün ümumi təhsil müəssisələrində olduğu kimi 29 №-li məktəbdə də “Son zəng” tədbiri keçirildi . Tədrib Azərbaycan Respublikası Dövlət Himninin səslənməsi ilə açıq elan olundu. Vətən uğrunda şəhid olmuş həmvətənlərimizin ruhu bir dəqiqəlik sükutla yad edildi. Məzunları məktəbin direktoru Reyhan Ələkbərova ilə yanaşı, şəhid Fərid Məhərrəmovun anası da təbrik edərək onlara uğurlar arzu etdilər. Yüksək səviyyədə qeyd edilən  “Son zəng” tədbiri hər kəs tərəfindən maraqla izlənildi.