"Kitabxana insan ruhunun bütün zənginliklərinin xəzinəsidir"
29 №-li tam orta məktəbin kitabxanasında keçirilən "Kitabxana insan ruhunun bütün zənginliklərinin xəzinəsidir" adlı dəyirmi masada məktəbin 7a sinfi, direktor müavinləri, kitabxanaçı, UBTR, müəllim Y.Baxşəliyeva və digərləri iştirak edirdilər. Tərbiyə işləri üzrə direktor müavini Safura Hüseynova çıxışında şagirdlərə hər zaman mütaliə etməyi məsləhət etdi. Kitabxananın müdiri Sevil Hacıyeva çıxışında bildirdi ki, "Kitab bilik mənbəyidir" və onu oxumaq hər birimizin borcudur. Yeganə Baxşəliyeva isə öz şagirdlərinə dedi ki, kitab zamanın dalğaları üzərində səyahət edən və öz qiymətli yükünü nəsillərdən-nəsillərə yetirən fikir gəmisidir. Bu gəmi ilə dünya səyahətinə çıxmaq istəyirsinizsə çoxlu mütaliə edin.
