20 Yanvar faciəsi məktəbin kitabxanasında qeyd olundu
20 yanvar 2020-ci il tarixində “20 Yanvar” faciəsinin 30 ili tamam olur. 16. 01.2020-ci il tarixində məktəbin kitabxanasında “Qanlı Yanvar” faciəsinin il dönümü münasibəti ilə şagirdlərimiz şəhidlərimizin əziz xatirəsini bir dəqiqəlik sükutla yad edib, Babakişiyeva Zəhra, Köçərli Yusif, Həsənzadə Dilbər və Abbaszadə Aysun şerlər söylədilər.
Kitabxana müdiri Sevil Hacıyeva 1990-cı il yanvarın 19-dan 20-ə keçən gecə Azərbaycan xalqının başına gətirilmiş müsibətlərdən danışdı. Həmin gün küçələr qana boyandı, xalqımız öz azadlığı və suverenliyi uğrunda mübarizədə ilk şəhidlərini verdi. 20 Yanvar müqəddəs “Şəhid” kəlməsini yenidən bütün tarixi məzmunu ilə dilimizdə canlandırdı. Həmin gündən 30 il keçsə də, xalqımız bu acını hər il yaşayır. O günü günahsız şəhidlərini yad edir. Nə xalqımız, nə də tarix heç vaxt unutmayacaq axan qanları....
