Şagirdlərimiz "Şəhidlər Xiyabanı"nı ziyarət etdilər
“Qara Yanvar”, “Qanlı Yanvar” və ya “20 Yanvar” faciəsi kimi qeyd olunan bu gün — 1990-cı il yanvarın 19-dan 20-nə keçən gecə, saat 23.30-da Bakı şəhərinə keçmiş Sovet ittifaqının qoşun hissələri tərəfindən fövqəladə vəziyyət elan edilmədən yeridilmiş və dinc əhaliyə divan tutulmuşdur. Yanvarın 20-nə keçən gecə 131 insan öldürülmüş, 744 adam ağır xəsarət almış, 4-şəxs itkin düşmüş, 400 nəfər isə həbs edilmişdir. Fövqəladə vəziyyət elan ediləndən sonra isə 21 nəfər qətlə yetirilmişdir . 20 Yanvar – Ümumxalq Hüzn Günü ilə əlaqədar Şəhidlər xiyabanında Vətənimizin azadlığı uğrunda qəhrəmancasına Şəhid olan həmvətənlərimizin məzarlarını 5b sinif şagirdləri ziyarət etdi.
