Şagirdlərimiz "Breyn-rinq" yarışında birinci yerin sahibi oldu
16 oktyabr 2019-cu il tarixində liseyimizin komandası intellektual yarışmada iştirak etdi. Bakı Şəhər Gənclər və İdman Baş İdarəsi və "Xəzər" İntellektual Gənclər Klubunun təşkilatçılığı ilə paytaxt məktəbliləri arasında "Breyn-rinq" intellektual yarışı keçirildi. "18 Oktyabr-Dövlət Müstəqilliyi günü" münasibətilə keçirilən oyunda 12 komanda iştirak edirdi. Liseyimizi 9-cu sinif şagirdləri Səttarzadə Cavidan, İskəndərov Murad, Salamzadə Məleykə, Tağıyeva Nilufər, Abbasova Fidan və Rəhimov Tofiqdən ibarət komanda təmsil edirdi. Oyunun hər raundunda rəqib komandalardan ciddi xal hesabı ilə fərqlənən şagirdlərimiz, finalda görüşdükləri hər iki komandanı 4-0 hesabı ilə məğlub edərək qalib adını qazandılar. Qaliblər medal, fərman və kubokla mükafatlandırılıb.
