Son Zəng -2022
14 iyun 2022-ci il tarixində 287 nömrəli Zəkalar liseyində sayca otuzuncu “Son Zəng” tədbiri keçirildi. Tədbir dövlət himni ilə başladı. Tədbirdə çıxış üçün söz ilk olaraq liseyin direktoru Aygün Əhmədliyə verildi. Liseyin builki uğurları barədə qonaqlar və lisey kollektivi qarşısında çıxış edən A.Əhmədli, məzunlara xoş arzularını çatdırdı. 2021-2022-ci tədris ilində müxtəlif olimpiada və bilik yarışlarında nailiyyətlər qazanan məzunlara, onların müəllimlərinə və səmərəli fəaliyyətinə görə direktor müavinlərinə fəxri fərmanlar təqdim etdi.
Tədbirdə çıxış edən müəllimlər və qonaqlar 2022-ci il məzunlarına həyat yollarında böyük uğurlar arzu etdilər.
