Liseydə 1 İyun – Uşaqların Beynəlxalq müdafiəsi günü təntənəli tədbirlə qeyd edildi
1 iyun 2022-ci il tarixində Zəkalar liseyində təntənəli tədbir keçirildi. Tədbirdə liseyin rəhbərliyi, müəllim və şagird heyəti, valideynlər iştirak etdi. Aysel Şıxəliyeva və Aynurə Manafovanın təşkilatçılığı ilə keçirilən tədbirdə liseyin şagirdləri bir-birindən gözəl mahnı və rəqslər ifa etdilər. Tədbirdə çıxış edən liseyin direktoru Aygün Əhmədli şagirdləri təbrik etdi, xoş arzularını çatdırdı. Cari tədris ili boyunca müxtəlif yarışlarda qalib olan şagirdlərə və onların valideynlərinə “Təşəkkürnamə”lər təqdim etdi.
