41 şagirdimiz yarımfinala vəsiqə qazandı
16 fevral 2021-ci tarixində Respublika Fənn Olimpiadasının nəticələri açıqlandı. Bütün fənlər üzrə nəticələrə görə liseyin 41 şagirdi RFO-nın yarımfnal turuna vəsiqə qazandı. Onların arasında 9-cu sinif şagirdləri ilə çiyin-çiyinə yarışan 11 nəfər 8-ci sinif şagirdini xüsusi qeyd etmək lazımdır.
Şagirdlərimiz yüksək nəticələr göstərmişlər. 10-cu sinif şagirdlərindən İskəndərov Murad tarix fənni üzrə 95, Ağayev Şahmar informatika fənni üzrə 81, 11-ci sinif şagirdlərindən isə Orucova Nəcibə biologiya fənni üzrə 82, Cəfərova İlahə kimya fənni üzrə 85, Həsənzadə Leyla Azərbaycan dili fənni üzrə 90 bal toplamışlar. Bu şagirdlərin timsalında bütün yarımfınalçılarımızı dəyərli bilik yarışında göstrədikləri yüksək nəticələrə görə təbrik edir, onlara daha böyük uğurlar arzu edirik.
