Dünya Çempionatında III yerUkraynanın Odessa şəhərində "İkinci Dünya Çempionatı" keçirilib. Bu çempionatda məktəbin 9"A" sinif şagirdi Musayev Manaf iştirak edib. Azərbaycanı təmsil edən Manaf Karatenin Goju-Ryu növü üzrə 14-15 yaş və 74 kq çəkidə olan iştirakçılar arasında III yerə layiq görülüb. Bu qalibiyyətinə görə diplom və bürünc medalla təltif olunub.
Balaca şahmatçıdan növbəti uğurMayın 9-da Ümummilli lider Heydər Əliyevin anadan olmasının 96-cı il dönümünə həsr edilmiş respublika şahmat festivalı keçirilib. Ümumtəhsil məktəbliləri arasında keçirilən festivalda məktəbin 4 "A" sinif şagirdi Həsənova Əsmər də var idi. O, 4-cü sinif qızlar arasında II yerə layiq görülüb, hədiyyə və diplomla təltif edilib.
"Tarix-bilik" yarışıAprelin 30-da Suraxanı rayon Gənclər evində "Bölünməz Azərbaycan torpaqları" adlı bilik yarışı keçirildi. Yarışda Suraxanı rayon tam orta məktəblərinin zonalar üzrə yığma komandaları iştirak etdi. Yarış üzvləri arasında məktəbin 11"A" sinif şagirdi Məhərrəmli Fateh də var idi. O, nəinki yarış üzvləri , hətta komanda üzvləri arasında belə dəqiq , səlis və məntiqə əsaslanan cavabları ilə seçildi. Nümayiş etdirdiyi bilik səviyyəsinə və fəallığına görə I yerə layiq görüldü və diplomla təltif edildi.