285 №-li tam orta məktəb

  "Dahi Azərbaycan şairi Məhəmməd Füzulinin 530 illiyinin qeyd edilməsi haqqında"  Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində "Məktəblərdə Məhəmməd Füzuli ayı" layihəsinə start verilib. 

  Layihənin məqsədi məktəblilər arasında milli-mənəvi dəyərləri təbliğ etmək, dahi 

şairin zəngin ədəbi-bədii irsi ilə bağli gənc nəsli maarifləndirmək, onların yaradıcılıq,

intellektual qabiliyyətlərinin inkişafı üçün şərait yaratmaq, eləcə də gənc istedadları üzə

çıxartmaqdır. 

  Layihə çərçivəsində 25.04.2024- cü il tarixində 285 nömrəli tam orta məktəbdə dəyirmi masa keçirilib. Tədbirdə məktəbin direktoru Nuranə Yəhyayeva, direktor müavini Könül Ağasıyeva, təşkilatçı Rəna Quliyeva, UBTRəhbəri Ülviyyə Qarayeva, Azərbaycan dili müəllimləri - Yeganə Allahverdiyeva, İradə Məmmədova, Təranə Abdullayeva, Aybəniz Qarayeva, kitabxanaçı Natavan Orucova və 6B, 8Ç, 9C sinif şagirdləri iştirak edib.

  Yeganə müəllim dəyirmi masa ətrafında şairin fəaliyyətinə həsr olunmuş elmi və bədii əsərlərlə, məqalə və kitablarla əyləşənləri tanış edib. Daha sonra dəyirmi masa diskussiya şəkilində davam edib.

Tədbir zamanı Azərbaycan dili və Ədəbiyyatı fənn müəllimi Yeganə Allahverdiyevanın təşkilatçılığı, 6B və 8Ç sinif şagirdlərinin iştirakı ilə Məhəmməd Füzulinin "Meyvələrin söhbəti" alleqorik əsəri səhnələşdirildi.

 Şagirdlər "Məni candan usandırdı" və "Söz" qəzəlini söylədi, Məhəmməd Füzulinin həyat və yaradıcılığı haqqında geniş məlumat verdilər.

Sinif: 1c

Müəllim: Əliyeva Afaq

Fənn: Azərbaycan dili

Mövzu: Ana ilə söhbət

Alt standartlar:

1.2.3 Dialoq zamanı fikirlərini rabitəli şəkildə çatdırır.

4.1.2 Sözləri hecalara ayırır.

Məqsəd: 

Rollu oyun zamanı obrazın xarakterinə uyğun mimika jestlərdən istifadə edir.

Sözü təşkil edən hecaları müəyyən edir.

Təlimin forması: qruplarla və kollektiv iş

Təlim üsulu: beyin həmləsi, müzakirə.

Bakı şəhəri Suraxanı rayonu B.Qulamoğlu adına 285 nömrəli tam orta məktəb

23.04.2024-cü il tarixində B.Qulamoğlu adına 285 nömrəli tam orta məktəbin kitabxanasında "Gəlin birgə oxuyaq!" devizi altında “Oxu günü" keçirilib.

  "Oxu günü" uşaqların elmə, təhsilə, eyni zamanda, kitaba marağının artırılması məqsədini daşıyır. 

   Mütaliə insana intellekt, zəka, diqqət, təxəyyül gücü və natiqlik qazandırır.

  7a sinif sinif şagirdi Məmmədov Mübariz Emil oğlu "23 Aprel Beynəlxalq Uşaqlar günü" münasibətilə Türkiyə Respublikasının Ədirnə şəhərində keçirilən I Cüdo festivalında 2-ci yerə layiq görülmüş, gümüş medalla təltif edilmişdir.

    Bu münasibətlə Mübarizi ürəkdən təbrik edir, uğurlar arzulayırıq.

22.04.2024 - cü il tarixində B.Qulamoğlu adına 285 saylı tam orta məktəbdə psixoloq Aytən Eyvazova, həkim Yeganə Əliyeva və UBTR Ülviyyə Qarayevanın təşkilatçılığı ilə IX siniflərdə reproduktiv sağlamlığa dair "Qohum nikahı" mövzusunda seminar keçirilib. Şagirdlərə “qohum nikahı”nın fəsadları və I dərəcəli qohumluq əlaqələri haqqında geniş məlumat verildir. Daha sonra mövzu ilə bağlı videoçarx izlənildi.