Kimya möcüzədir
25 noyabr 2019-cu il tarixdə məktəbdə şagirdlərin yaradıcılıq qabiliyyətlərinin inkişaf etdirilməsi məqsədilə fəaliyyət göstərən “Kiçik akademiyanın” tədbirlər planına uyğun olaraq təşkil olunan kimya aylığı çərçivəsində “Kimya möcüzədir” adlı tədbir keçirildi. Məktəbin kimya müəllimi Aygün Şəmsəddinovanın hazırladığı tədbirdə şagirdlər sərbəst şəkildə müxtəlif kimyəvi reaksiyalar apardılar. Həmçinin, şagirdlər müxtəlif elementlərin izahini verərək kimya fənnindən biliklərini nümayiş etdirdilər. Daha sonra şagirdlərin çıxışında kimya dünyasından bəhs edən səhnəciklər nümayiş olundu. Məktəbin direktoru Zaur Yusifov çıxış edərək tədbiri yüksək qiymətləndirdi.
