259 №-li tam orta məktəb

30 iyun 2025-ci il tarixdə ümumtəhsil pilləsində təhsil haqqında dövlət sənədlərinin nümunələri haqqında "Dövlət sənədlərinin nümunələri və onların verilməsi qaydası"nın 5.1-ci bəndinə müvafiq olaraq "Ümumi orta təhsil" səviyyəsini bitirən məzunlarımıza attestatlar təqdim olundu. Məktəbin direktoru Venera Mustafayeva şagirdləri təbrik edərək xoş arzularını bildirdi.

30 iyun 2025-ci il tarixdə məktəbin 2024/2025-ci dərs ili üçün yekun pedaqoji şurasının iclası keçirildi. İclasda giriş sözü ilə çıxış edən məktəbin direktoru Venera Mustafayeva il ərzində fəaliyyəti ilə fərqlənən müəllimləri təltifnamə ilə təltif etdi. Daha sonra 2024/2025-ci tədris ilinin yekunları, uğurları, şagirdlərin sinifdən-sinfə keçirilməsi, buraxılış siniflərin şagirdlərinə attestatların verilməsi və s. məsələlər müzakirə olundu. Həmçinin təlim-tərbiyə işləri üzrə direktor müavini Samir Ağalarov statistik nəticələri səsləndirdi. Məktəbin kitabxana müdiri Aynur İbişovanın hesabatları dinlənildi.

18-25 iyun tarixləri arasında keçirilən dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsinə yekun vurulub.

Sertifikatlaşdırma prosesində məktəbimizin kimya, biologiya, fizika, coğrafiya, informatika fənlərini tədris edən təhsilverənlər, eyni zamanda ibtidai sinif və ingilis dili müəllimləri iştirak etmiş, test imtahanı mərhələsini uğurla başa vuraraq yüksək nəticə göstərmişlər. Müəllimlərimizi təbrik edirik və gələcək fəaliyyətlərində uğurlar arzulayırıq.

Məmmədova Elnarə - 57 bal (coğrafiya)

Məmmədov Rahib - 53 bal (coğrafiya)

İsgəndərova Təhminə - 52 bal (ingilis dili)

Muradova Çimnaz - 53 bal (ibtidai)

İbrahimli Günel - 51 bal (ibtidai)

Babaşova Aytən - 54 bal ( kimya)

Əliyeva Yeganə -48 bal (biologiya )

Sadıqov Orxan - 56 bal (fizika)

Cəfərov Tapdıq - 55 bal ( fizika)

Alnağızadə Mülkanə - 52 bal (informatika)

#ElmVəTəhsilNazirliyi #ARTİ #MÜTDA #İRM #Müəllim #Sertifikatlaşdırma #EduAzİRM

24 iyun 2025-ci il tarixdə Bakı Konqres Mərkəzində Respublika Fənn Olimpiadaları qaliblərinin mükafatlandırılması mərasimi keçirildi. Tədbirdə müxtəlif fənlər üzrə yüksək nəticə göstərmiş şagirdlər təltif olunmuşdur. Sevindirici haldır ki, məktəbimizin 11c sinif şagirdi Nigar Nəbiyeva kimya fənni üzrə bürünc medal qazanaraq Respublika Fənn Olimpiadasında III yerə layiq görülmüşdür.

Şagirdimizi bu nailiyyət münasibətilə təbrik edir, ona gələcək təhsil və fəaliyyətində daha böyük uğurlar arzulayırıq!

23 iyun 2025-ci il tarixdə 2024/2025- ci tədris ili üzrə məktəbi fərqlənmə attestatı ilə bitirən məzunlara məktəbin direktoru Venera Mustafayeva tərəfindən attestatlar təqdim olundu. Hüseynzadə İlknur, Qəhrəmanova Sevda, Əliyeva Leyla qırmızı attestatla təltif olundular. Venera Mustafayeva məzunları təbrik etdi, onlara uğurlar arzuladı və əldə etdikləri nəticələrin gələcək həyatlarında möhkəm təməl olacağını vurğuladı.