259 №-li tam orta məktəb

26 aprel 2024-cü il tarixdə məktəbin 3b sinif şagirdləri və sinif müəllimi Nəcəfli Leyla M.Ə.Sabir adına kitabxanaya ekskursiyaya getdilər. Şagirdlərimiz kitabxana fondu ilə yaxından tanış oldular. Maraqlandıqları kitabları mütaliə etdilər. Ekskursiya şagirdlərin marağına səbəb oldu. 

Təbiət fənn aylığı çərçivəsində məktəbin 5b sinif şagirdləri fənn müəllimi Həsənli Mətanət ilə birlikdə açıq havada təbiət mövzusunda təqdimatlarla çıxış etdilər. Həmçinin, məktəbin həyətində yeni ağaclar əkildi.

Dahi Azərbaycan şairi Məhəmməd Füzulinin 530 illiyinin qeyd edilməsi ilə bağlı sərəncamın icrası ilə əlaqədar dahi şairin irsinin təbliği və əsərlərinin müzakirəsi məqsədilə məktəb kitabxanasında dəyirmi masa təşkil olundu. Məktəbin Azərbaycan dili və ədəbiyyat müəllimi Aytəkin Xəlilova ilə birgə şagirdlərimiz Məhəmməd Füzuli yaradıcılığından olan nümunələrlə tanış oldular, müxtəlif əsərlərinin təhlili ilə bağlı suallar cavablandırıldı.

25 aprel 2024-cü il tarixdə fizika fənn aylığı çərçivəsində fizika müəllimləri Tapdıq Cəfərov 7-ci və 8-ci siniflər arasında bilik yarışı təşkil etdi. 7a və 8ç sinifləri yarışın qalibi oldu. Şagirdləri təbrik edirik.

25 aprel 2024-cü il tarixdə məktəbin həkimi R.Quliyeva və tibb bacısı Z.Eyyubova şagirdlərlə ilkin tibbi yardım mövzusunda maarifləndirici söhbət apardı. Şagirdlərə müxtəlif zədələr alındığında göstərilə biləcək ilkin tibbi yardım barədə məlumat verildi və əyani şəkildə nümayiş olundu. Şagirdləri maraqlandıran suallar cavablandırıldı.