Seminar keçirildi
28 yanvar 2019-cu il tarixdə məktəbin direktoru Zaur Yusifov məktəbdaxili qiymətləndirmə qaydalarında edilən dəyişikliklər mövzusunda seminar keçirtdi. Seminarda qiymətləndirmə qaydalarına edilən bütün dəyişikliklər barəsində ətraflı izah verildi. Yeni qaydaya əsasən şagirdlərin yaş xüsusiyyətini, onların kənar təsirlərdən qorunmasını nəzərə alaraq I siniflərdə summativ qiymətləndirmənin aparılmaması, II və III siniflərdə böyük summativ qiymətləndirmələrin ləğvi xüsusi vurğulandı. Eyni zamanda summativ qiymətləndirmədə istifadə olunan sualların mürəkkəbliyi dərəcəsinin differensiallaşdırılmış meyarlar üzrə necə müəyyənləşdirilməsi barədə də məlumat verildi. Seminarda müəllimləri maraqlandıran suallara cavab verildi.
