“Müstəqil Azərbaycanın təbii irsinə səyahət”
23 may 2025-ci il tarixdə "Suveren dövlətin ekoloji dəyərləri" layihəsi çərçivəsində məktəbin təbiət fənn müəllimi Vəsilə Muradlı 5ç sinfində “Müstəqil Azərbaycanın təbii irsinə səyahət” mövzusunda virtual ekskursiya təşkil etdi. Dərsin əsas məqsədi şagirdlərə Azərbaycanın zəngin təbii sərvətləri və biomüxtəlifliyi haqqında məlumat vermək, onları ətraf mühitin qorunmasına təşviq etmək idi. Dərs zamanı şagirdlər virtual olaraq müxtəlif təbiət qoruqlarına səyahət etdilər, ölkəmizin təbii məkanları ilə yaxından tanış oldular. Bu səyahət şagirdlərin elmi biliklərini artıqmaqla yanaşı, onların təbiətə qarşı məsuliyyətli yanaşmalarına müsbət təsir göstərdi. Sonda şagirdləri maraqlandıran suallar cavablandırıldı.
