Novruz gəlir, yaz gəlir
19 mart 2025-ci il tarixdə məktəbdə "Xarıbülbüllü Novruz" adlı bayram tədbiri keçirildi. Tədbiri giriş sözü ilə açan məktəbin direktoru Venera Mustafayeva çıxış edərək müəllim və şagird kollektivini bayram münasibətilə təbrik etdi. V.Mustafayeva vurğuladı ki, Novruz bayramı xalqımızın həyata nikbin baxışının, təbiətin və insanlığın qələbəsinə inamının bayramıdır. Məktəbin 2a sinif müəllimi Feridə Seyidbəylinin hazırladığı tədbirdə şagirdlərin çıxışında Novruz bayramına həsr olunmuş şeirlər səsləndirildi,mahnılar ifa olundu. Rəqslər nümayiş etdirildi. Həmçinin, Novruz şənliyinin əsas personajları olan Bahar qızı, Kosa və Keçəl də gəlişləri ilə tədbirə xüsusi rəng qatdılar. Tədbirin davamında məktəbin musiqi müəllimi Validə Əlizadənin rəhbərlik etdiyi "Qaytağı" xor dərnəyinin ifasında "Səməni" adlı mahnı səsləndirildi.
