Müstəqilliyimiz əbədidir , dönməzdir!
Azərbaycan Respublikası təhsil nazirinin 25 oktyabr 2016-cı il tarixli 694 nömrəli əmri ilə təsdiq edilmiş “Azərbaycan Respublikasının dövlət müstəqilliyinin bərpasının iyirmi beşinci ildönümü ilə bağlı Tədbirlər Planı”nın icrası ilə əlaqədar Bakı şəhər 257 nömrəli tam orta məktəbin Fəaliyyət Planına uyğun olaraq , 2017- ci ilin oktyabr ,noyabr və dekabr aylarında məktəbdə bir sıra tədbirlər həyata keçirilmişdir.Belə ki , 18 Oktyabr Müstəqillik Günü kimi qeyd olunmaqla bərabər, məktəbdə respublikamızın müstəqilliyinin 25 - ci ildönümünə həsr olunmuş tədbirlər planı hazırlanmış və bu planda nəzərdə tutulan bütün işlər uğurla yerinə yetirilmişdir.Məktəb rəhbərliyi pedaqoji və şagird kollektivinin iştirakı ilə müstəqil Azərbaycana həsr olunmuş müxtəlif tədbirlərin keçirilməsinə nail olmuşdur. “Ulu Öndər Heydər Əliyev müstəqil Azərbaycanın qurucusudur” mövzusunda təcrübi seminar,“Azərbaycanın müstəqilliyi əbədidir, dönməzdir” mövzusunda ədəbi - bədii gecə ,tarixçi alim məktəbin tarix müəllimi f.e.n. İlham Kərimovla müəllim və şagird kollektivinin görüşü keçirilmiş tədbirlər sırasındadır.
