“Sağlam həyat”
Məktəbimizdə “Qeyri-infeksion xəstəliklərlə mübarizə ilə bağlı Fəaliyyət Planı”na uyğun olaraq silsilə tədbirlər keçirilir. Belə tədbirlərdən biri də 14.11.2016- cı il tarixində məktəbin akt zalında təşkil olunmuş “Sağlam həyat” adı altında tədbirdir.Tədbirə məktəb rəhbərinin giriş sözü və dövlət himnimizin səsləndirilməsi ilə başlanıldı. Şagirdlərin xüsusi fəallığı ilə keçən tədbirdə sağlam həyat tərzini təbliğ edən slaydlar, məlumatlar əks etdirildi. Alkoqolizmin və narkomaniyanın cəmiyyətimizə gətirdiyi bəlalar səhnələşdirilərək tamaşaçılara çatdırıldı. Şagirdlər sağlamlığa zərər yetirən amillərdən söz açdılar və buna həsr olunmuş şeirləri ifa etdilər. Məktəb şagirdlərinin ifasında fiziki sağlamlığı bariz şəkildə əks etdirən aerobik hərəkətlər göstərildi. Tədbirdə qonaq qismində iştirak edən Xətai Rayonu İcra Hakimiyyətinın nümayəndələri,Narkodispanserin və Xətai rayon 4 saylı uşaq poliklinikanın həkimləri bu tipli tədbirlərin şagirdlərin sağlam və fiziki cəhətdən aktiv böyüməsində mühüm rolu olduğunu qeyd etdilər.
