Dövlət Bayrağı günü qeyd olunub
9 noyabr Dövlət Bayrağı Günüdür. Azərbaycan Respublikasının Prezidenti İlham Əliyevin 17 noyabr 2009-cu il tarixli Sərəncamına əsasən hər il noyabr ayının 9-u Azərbaycan Respublikasının Dövlət Bayrağı Günü kimi qeyd edilir.
Azərbaycan Respublikasının dövlət atributlarından biri olan Dövlət Bayrağı Azərbaycan dövlətinin suverenliyinin rəmzidir.
Bu gün qürurla deyə bilərik ki, 30 il işğal altında olan əzəli, tarixi torpaqlarımızda Qarabağın azad olunmuş hər kəndində, şəhərində qürur mənbəyimiz olan bayrağımız dalğalanır.
Məktəbdə ilk dərs saatlarından bu günlə bağlı müxtəlif tədbirlər təşkil olunub. Müəllimlər Dövlət Bayrağı Günü ilə bağlı şagirdləri məlumatlandırıb. Qeyd olunub ki, hər bir Azərbaycan vətəndaşı üçün bayraq qürur mənbəyi olmalıdır. Bu gün Azərbaycan bayrağı dünyanın ən mötəbər kürsülərində ucalır. Bu bayrağı Qarabağ döyüşlərində əsgərlərimiz göz bəbəyi kimi qorudu. Onu hər zaman uca tutmaq hər bir Azərbaycanlının borcudur.
Şagirdlər bayraqla bağlı şeirlər, mahnılar, əl işləri tədqim ediblər.
