8 noyabr Zəfər günü ilə bağlı tədbir
Bu gün Zəfər Günü ilə bağlı məktəbin ibtidai sinif şagirdləri ilə məktəbin akt zalında növbəti tədbir keçirildi.
Tədbir Azərbaycan Respublikasının Dövlət Himninin səsləndirilməsi ilə başladı. Sonra tədbiri giriş sözü ilə açan məktəbin direktoru Qarat Qaratov tədbirə gələn qonaqlar və iştirakçıları salamlayaraq bildirdi ki, 44 günlük müharibə Azərbaycan xalqının nə qədər vətənpərvər, böyük xalq olduğunu, milli birliyini, həmrəyliyini bütün dünyaya sübut etdi. Azərbaycan tarixi torpaqlarına - Qarabağa qovuşdu, tarixi zəfərə imza atdı, şəhidlərimizin, Xocalı qurbanlarının, Gəncə, Bərdə digər şəhər və rayonlarımızda törədilən soyqırımları zamanı həlak olan günahsız insanların qisasını döyüş meydanında aldı. Bu qələbəni, zəfəri bizlərə yaşadan ölkə Prezidentimiz, Ali Baş Komandan İlham Əliyevin qətiyyəti, siyasi iradəsi, güclü ordumuz, rəşadətli əsgər və zabitlərimizdir. Şagirdlər çıxış edərək Zəfər Gününə həsr olunmuş şeirlər söyləyib, mahnılar oxudular. Tədbir zamanı döyüşdə çəkilmiş videoçarxlar göstərildi.
Tədbirə qatılan qonaqlar arasında Aprel döyüşlərinin şəhidi Rusif Ağayevin həyat yoldaşı Mahrux Ağayeva iştirak edirdi.
