Xalqımızın Zəfər Tarixi sərgisi
Bu gün "Zəfər Günü" ilə əlaqədar məktəbin dəhlizində məktəblilərin rəsm və əl işlərindən ibarət sərgisi təşkil olundu. Sərgini məktəbin təsviri incəsənət müəllimi Sevinc Kərimova təşkil edib. Sərgidə 44 gün davam edən Vətən Müharibəsi, gözəl Qarabağın dilbər guşələri, qələbə rəmzinə çevrilən Xarıbülbül, əzəmətli Şuşa qalası da əks olunan rəsm və əl işləri toplanıb. Sərgi şagird və müəllim kollektivi tərəfindən böyük maraqla qarşılanıb. Sərginin təşkilində əsas məqsəd şagirdlərdə vətənpərvərlik, xalqa, torpağa olan sevgi hissini daha da artırmaq və Ali Baş Komandan İlham Əliyevin rəhbərliyi altında rəşadətli ordumuzun qazandığı tarixi zəfəri əsərlərdə nümayiş etdirməkdir. Sərginin təşkili həm də yaradıcı, istedadlı şagirdləri üzə çıxarılması işinə də yardım edir. Məktəbin direktoru Qarat Qaratov sərgiyə qatılan şagirdlərin işləri ilə yaxından tanış olaraq, onlarla xatirə şəkilləri çəkdirdi.
