"Zəfər Günü" ilə bağlı silsilə tədbirlər davam edir
"Tədbirlər Planı"na uyğun məktəbdə "Zəfər günü" ilə bağlı tədbirlər davam edir. Bu gün keçirilən tədbirdə öncə bu misilsiz qələbəni bizlərə yaşadan, torpaqlarımızı öz qanı və canı bahasına azad edən qəhrəman əsgər və zabitlərimizin xatirəsi dərin ehtiramla yad edildi.
Daha sonra məktəblilər 2-ci Qarabağ müharibəsində qələbəni təmin edən mühüm amillər: Azərbaycan xalqının əzmi və iradəsi, iqtisadi gücü, müasir ordu quruculuğu və xalq iqtidar birliyini tərənnüm edən şeirlər söylədi, şüarlar səsləndirib mahnılar oxudular. Məktəblilərin çox böyük ruh yüksəkliyi ilə hazırladıqları tədbirdə bir daha vurğulandı ki, xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbə əbədi olaraq tarixə çevriləcək.
