"Biz sülh içində yaşamalıyıq" mövzusunda açıq dərs keçirildi
Bakı şəhəri Ə.Abbasov adına 257 nömrəli tam orta məktəbdə 2016-cı ilin Azərbaycanda "Multikulturalizm ili" elan olunması ilə əlaqədar olaraq "Biz sülh içində yaşamalıyıq" mövzusunda açıq dərs keçirilmişdir. Açıq dərs Azərbaycanda tarixən formalaşmış tolerantlıq və multikulturalizm ənənələrini qoruyub saxlamaq, təbliğ etmək, insanlar arasında qarşılıqlı anlaşma və hörmət hisslərini formalaşdırmaq məqsədilə təşkil edilmişdir. Bundan əlavə, dərsin mövzusu həm də dünya xalqlarının mədəniyyətinə, adətlərinə və tarixinə həsr edilmişdir.
