Valideynlərlə maarifləndirici seminar
Noyabrın 15-də təhsilalanların hər hansı fiziki və psixoloji zorakılıq hallarından qorunması məqsədilə Tərbiyə işləri üzrə direktor müavini F. Əliyeva, məktəb psixoloqu S. İsmayılova və UBR K. Muradova tərəfindən seminar keçirildi. Seminarda ibtidai sinifdə təhsilalan şagirdlərin valideynləri iştirak etdilər.
İlk öncə valideynlər “Mənimlə danış ”maarifləndirici sosial çarxa baxdılar. Çarxda cərəyan edən hadisə valideynlərlə müzakirə olundu. Sonra “Uşaqlarda aqressiya və onun korreksiyası “yollarından danışıldı, bullinqlə mübarizənin yolları birgə araşdırıldı. Aqqressiyanın növlərindən (verbal, emossional, fiziki, neqativizim və c.) məlumat verildi, səbəbləri ətraflı müzakirə olundu və sosial şəbəkələrin ,internet oyunlarının aqressiyaya yol açdığı nəzərdən keçirildi. Söylənildi ki, aqressiv davranış bullinqə aparan əsas faktordur.
Seminarda bir daha məktəbdə sağlam mənəvi-psixoloji mühitin sabit saxlanılmasında, təhsilalanların sosial bacarıqlarının artırılmasında valideynlərin rolu önə çəkildi.