İmtahan stresinin aradan qaldırılması
Məktəbəqədər və Ümumi Təhsil üzrə Dövlət Agentliyi və Təhsil İnstitutu tərəfindən 17 may tarixində IV siniflər, 18 may tarixində VI siniflərdə keçiriləcək imtahanla bağlı şagirdlərlə görüş keçirildi. Görüşdə məktəb-liseyin direktoru E.Həşimov, məktəbdənkənar və sinifdənxaric tərbiyə işi üzrə təşkilatçı F.Əliyeva, məktəb psixoloqu S.İsmayılova və UBTR K.Muradova, sinif rəhbərləri iştirak etdi.
Göruşdə şagirdlərə psixoloji dəstək verildi. İmtahanqabağı stresin, depressiya və yorğunluğun şagirdlərin üzləşdiyi əsas problemlərdən olduğu vurğulandı. İmtahan həyəcanının orqanizmdə yaratdığı psixoloji və fizioloji əlamətlərə toxunuldu, istifadə olunan psixoloji texnikalar təqdim olundu.
Məktəb-liseyin direktoru E.Həşimov şagirdlərə imtahana buraxılış vərəqini təqdim etdi və uğurlar arzuladı.
