246 №-li məktəb-lisey

        Dahi Azərbaycan şairi Məhəmməd Füzulinin 530 illiyinin qeyd edilməsi haqqında” Azərbaycan Respublikası Prezidentinin  Sərəncamına əsasən aprel ayı ərzində məktəb-liseydə silsilə tədbirlər keçirildi.

 X sinif şagirdlərinin, Azərbaycan dili və ədəbiyyat müəllimi Arzu Yusifovanın təşkilatçılığı ilə «Leyli və Məcnun poemasını indiki gənclərimizə oxumaq lazımdırmı?» mövzusunda debat keçirildi.

        Debatda  şagirdlərin bir qismi texnologiyanın inkişaf etdiyi əsrdə " indiki gənclərin həmin əsəri oxumağa ehtiyac yoxdur" fikrini irəli sürdülər. Bir qismi isə "bütün dövrlər üçün aktual olan şəxsiyyət və mənəvi azadlıq, qadın huquqsuzluğu problemi, həqiqi məhəbbət vasitəsilə insanın kamilləşməsi ideyası təbliğ olunduğuna görə əsəri mütaliə etmək lazımdır " fikrini təsdiqlədilər.

      Sonda şagirdlər ümumi nəticəyə  gəldilər ki, Məhəmməd Füzuli XVI əsrdə yaşayıb yaratsa da, onun ədəbi-bədii irsi bütün dövrlər üçün aktualdır, dərindən öyrənilməsi insanı kamilləşdirir.

        “Məktəblərdə Məhəmməd Füzuli ayı” layihəsi çərçivəsində X və VIII sinif şagirdləri, Azərbaycan dili və ədəbiyyat müəllimi Sədaqət Mədətovanın təşkilatçılığı ilə “Füzuli dühası” adlı dəyirmi masa keçirildi.

         Dəyirmi masada  S.Mədətova ölməz sənətkarın həyat və yaradıcılığından, ədəbi-bədii irsindən bəhs etdi, sənətkarın ölkəmizdə və dünyadakı yeri barədə məlumat verdi. Şagirdlərin ifasında qəzəllər səsləndi, “Leyli və Məcnun” poemasından epizod səhnələşdirildi.

            25.04.2024 -cü il tarixində "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamına əsasən Məhəmməd Füzulinin həyat və yaradıcılığı ilə bağlı sənədli film nümayiş etdirildi. Daha sonra Azərbaycan dili və ədəbiyyat müəllimi Cahangirzadə Səadət dahi şairin zəngin ədəbi irsi ilə bağlı geniş məlumat verdi. Şagirdlərin təqdimatları dinlənildi.

    Aprelin 24-də 8 d sinfində biologiya fənn müəllimi Vəfa Məmmədovanın təşkilatçılığı ilə “ Yaşıl dünya naminə qidalanma vərdişlərimizi dəyişək və israfçılığa son qoyaq!” adlı dəyirmi masa keçirildi. Tədbirdə şagirdlər təqdimatlar etdilər, ümumi nəticəyə gəldilər ki, qida maddələrinin tullantılara çevrilməsi  israfçılığa aparır və buna son qoymaqla yaşıl dünyamızı qoruya bilərik.

     Azərbaycan ədəbi-bədii fikrinin inkişafında müstəsna yer tutan, Yaxın və Orta Şərq ölkələri ədəbiyyatına mühüm təsir göstərən qüdrətli söz ustadı Məhəmməd Füzulinin anadan olmasının 530 illiyi məktəb kitabxanasında keçirildi. 
    Kitabxanaçılar  A.Aliyeva və N.Əbdüləzimova Məhəmməd Füzulinin çoxcəhətli bədii fəlsəfəsindən, Azərbaycan xalqının bəşər mədəniyyəti xəzinəsinə bəxş etdiyi misilsiz mənəvi sərvətlərindən bəhs etdilər, məqalə və kitabları ilə tanış etdilər.
    Sonra  5ç sinif şagirdləri  şairin qəzəllərindən parçalar səsləndirdilər.