Gender bərabərliyi-insan hüquqları
Mayın 23-də Tərbiyə işləri üzrə direktor müavini F.Əliyeva,məktəb psixoloqu S.İsmayılova, UBR K.Muradova , Gender Hub Azerbaijan təşkilatı tərəfindən "Müəllimlər gender-əsaslı streotiplərə qarşı " təlim kursu keçmiş coğrafiya fənn müəllimi K.Mehdiyeva VIII sinif şagirdləri ilə “Gender bərabərliyi-insan hüquqları” mövzusunda maarifləndirici görüş keçirdilər.
Görüşdə şagirdlərə mövzu ilə bağlı məlumat verildi,söylənildi ki,gender stereotiplərinə ,bərabərsizliyə son qoymaqla bütün qız və qadınların hüquq və imkanlarının genişlənməsinə, hər yerdə onlara qarşı bütün formalarda ayrı-seçkiliyə, zorakılığa, insan alverinə, cinsi və digər növlərdə istismara son qoyulmasına, erkən və məcburi nikahın aradan qaldırılmasına, hamı üçün reproduktiv sağlamlıq xidmətlərinə çıxış tapmağa nail olmaq olar.
Sonra şagirdlər qrup işi işlədilər,Qrup işlərində məişət zorakılığı, uşaq evliliyi, təhsildən yayınma halları, qohumlar arasındakı nikah və onların fəsadları mövzularına toxundular.
Sonda stereotipsiz , gender bərabərliyi olan cəmiyyət yaratmağın aparıçı qüvvələri olan şagirdlər fikirlərini posterdə ümumiləşdirdilər:
“ Ədalətli və öz huquqlarını bilən Gənc! Birlikdə bullinqə və gender əsaslı streotiplərə qalib gələk.Bütün streotipləri qıraq,ən əsası hüquqlarımızı,vicdanımızı və ədalətimizi qoruyaq!”