Erkən nigahın fəsadları
Mayın 17-də Tərbiyə işləri üzrə direktor müavini F.Əliyeva,məktəb psixoloqu S.İsmayılova, UBR K.Muradova,biologiya fənn müəllimi Ü.Mustafayeva, Gender Hub Azerbaijan təşkilatı tərəfindən "Müəllimlər gender-əsaslı streotiplərə qarşı " təlim kursu keçmiş coğrafiya fənn müəllimi K.Mehdiyeva VIII sinif şagirdləri ilə reproduktiv sağlamlıq,sağlam həyat tərzinin təbliği,erkən nikahın fəsadları haqqında maarifləndirici görüş keçirdilər.
Görüşdə söylənildi ki, ölkə qanunlarına əsasən 18 yaşını tamamlamayan hər bir şəxs uşaq sayılır, 18 yaşdan əvvəl həyata keçirilən evliliklər erkən evlilik hesab olunur. Yetkinlik yaşına çatmadan qeyri-qanuni şəkildə nigaha cəlb edilənlər zorakılığa məruz qalırlar,elə kiçik yaşlarından təhsildən yayındırılırlar.
Görüşdə erkən nigahın yaratdığı fizioloji, psixoloji cəhətlərə də toxunuldu, yaratdığı fəsadlardan danışıldı, sosial şəbəkələrdən kortəbii istifadənin fəsadları önə çəkildi.
Daha sonra mövzu ətrafında müzakirələr aparıldı , streotiplərə toxunuldu və şagirdləri maraqlandıran suallara cavab verildi.