7-dən 17-yə vətənpərvər!
2003-cü ildə Azərbaycan Prezidenti Heydər Əliyev Azərbaycanın müstəqilliyinin və ərazi bütövlüyünün qorunub saxlanmasında xüsusi xidmətlərinə, öz xidməti vəzifələrini və hərbi hissənin qarşısında qoyulmuş tapşırıqları yerinə yetirən zaman fərqləndiyinə görə"Hərbi xidmətlərə görə" medalı ilə təltif edərkən “gələcəyin Əliağa Şıxlınıskisisən” adlandıran Azərbaycan Silahlı Qüvvələrinin Quru Qoşunlarının zabiti, həm I Qarabağ müharibəsinin qazisi, həm də II Vətən müharibəsinin iştirakçısı, 4-cü Ordu Korpusunun Artilleriya komandiri Xeyrulla İbrahimovun doğum günü məktəb liseydə ehtiramla yad olundu.
Sinif müəllimi R.Məhərrəmovanın təşkilatçılığı ilə keçirilən tədbirdə məktəb rəhbərliyi,şagirdlər, şəhid polkovnik-leytenant Xeyrulla İbrahimovun doğmaları iştirak etdilər.
Tədbirdə öncə Dövlət Himni səsləndirildi,sonra Vətənimizin bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad olundu.
Şəhidin adını daşıyan 4c sinif şagirdlərinin hazırladığı kompozisiya ilə cıxış etdilər. Şagirdlər II Qarabağ müharibəsində ölümü ilə dastan yazan, "Kobra" ləqəbli qəhrəman şəhidimiz polkovnik-leytenant Xeyrulla İbrahimovun keçdiyi döyüş yoluna nəzər saldılar,söylədilər ki, I Qarabağ döyüşlərində Laçın, Zəngilan, Tərtər, Füzuli və Qubadlının müdafiəsi uğrunda döyüş yolu keçmiş polkovnik-leytenant II Vətən müharibəsi başlayanda yenə kənarda qala bilmədi, bu dəfə də könüllü olaraq cəbhəyə yollandı. Cəbrayıl, Füzuli, Zəngilan, Qubadlı və Xocavəndin düşmən işğalından azad edilməsi uğrunda gedən döyüşlərdə qəhrəman kimi iştirak etdi,oğlunun doğum günündə şəhadətə yüksəldi.
Tədbirdə şəhidin həyatından epizodlar səhnələşdirildi,ömür yolundan bəhs edən video-çarxlar nümayiş olundu, şəhidlərimizə, vətənə, qələbəyə həsr olunan şeirlər səsləndirildi, hərbi yürüşlər oldu.
Anım mərasimində iştirak edən məktəbimizin riyaziyyat müəllimi X.Zeynalova cıxışında bacısı oğlu Xeyrulla İbrahimovun həyat yolundan fəxrlə danışdı,Vətən uğrunda canını fəda edən şəhidlərin şərəfli ömür yolunun gələcək nəsillərə örnək olduğunu söylədi , göstərilən diqqətə görə məktəb rəhbərliyinə və cıxışlarında qəhərlərini gizlədə bilməyən şagirdlərə təşəkkürünü bildirdi.
Sonda məktəb liseyin direktoru E.Həşimov cıxış edərək möhtəşəm qələbənin əldə edilməsində müasir hərbi biliklərə və döyüş bacarıqlara sahib qəhrəman Azərbaycan ordusunun mühüm pay sahibi olduğunu diqqətə çatdırdı.Söylədi ki, Ulu Öndər H.Əliyevin zəngin dövlətçilik siyasəti ,Ali Baş Komandan İ.Əliyevin rəhbərliyi, hərbi texnika və texnologiyalardan məharətlə istifadə edən ordunun, Azərbaycan xalqının əzmi və iradəsinin, xalq-iqtidar birliyinin sayəsində şanlı qəhrəmanlıq salnaməsi yazıldı, qalib xalq olduğümuz bütün dünyaya sübut olundu və düşmən üzərində tarixi zəfər qazanıldı.
