Düzgün seçilmiş peşə gələcək uğurun zəminidir!
Texnologiyanın inkişafı ilə birlikdə peşə növlərinin sürətlə artması və ixtisaslaşmanın inkişafı peşəyönümü işinə xüsusi diqqət ayrılmasını müasir dövrdə zərurət kimi qarşıya qoyur. Bu inkişaf peşə seçməli olan gənclərin seçim imkanlarının artmasına səbəb olub. Şagirdlərin öz maraq və qabiliyyətlərini tanıması və özünə uyğun peşəni seçməsi məqsədilə IX sinif şagirdləri ilə maarifləndirici seminar keçirildi. Təşkilatı işlər üzrə direktor müavini,məktəb psixoloqu və UBR-nin təşkilatcılığı ilə keçirilən seminarda şagirdlərə ixtisas və peşə seçimi prosesində biliklərinə,maraqlarına, bacarıqlarına, qabiliyyətlərinə və şəxsi keyfiyyətlərinə uyğun olaraq seçim etmələri barədə məlumatlar verildi. Düzgün peşə seçiminin əsas istiqamətləri,bu seçimdə nəzərə alınan amillər şagirdlərin diqqətinə çatdırıldı.Söylənildi ki, düzgün peşə seçmiş insan öz yaradıcılığına meylliliyi gücləndirərək peşəsinin mütəxəssisinə çevirir.
İnteraktiv formatda keçən seminarda şagirdlər öz peşə seçimləri, gələcək karyera arzuları barədə də danışdılar. Onları maraqlandıran suallar cavablandırıldı.
