İnternetin faydaları və zərərləri
![](https://bakimektebleri.edu.az/uploads/news_gallery/16697097366385bfa8ae6016.25441355.jpg)
“Əsrimizin ən böyük kəşfi olan internetin faydalarını və zərərlərini” mövzusunda 8c sinif şagirdlərinin iştirakı ilə debat təşkil olundu.
İnternetin faydalarını təqdim edən şagirdlər bildirdilər ki, bu gün dünyamızı İKT-siz təsəvvür etmək mümkün deyil. İnternetdən düzgün və məqsədyönlü istifadə dünyagörüşümüzü, biliklərimizi artırır, məntiqimizi, təfəkkürümüzü inkişaf etdirir.
İnternetin zərərlərini təqdim edən şagirdlər isə bildirdilər ki, bu gün həyatımız İKT-siz mümkün görünməsə də,insanlara psixoloji və fiziki zərərləri coxdur. Aparılan araşdırmalara görə internetdən asılılıq insanların psixologiyası və davranışında mənfi təsirlər yaradır.
Sonra şagirdlərin diqqətinə yeniyetməlik yaş dövrünün xüsusiyyətləri çatdırıldı. Söylənildi ki,bu yaş dövründə sosial şəbəkələrdən kortəbii şəkildə istifadə böyük təhlükə və fəsadlara yol açır, narkomaniya,insan alveri istiqamətində müəyyən cinayətkar qruplar məhz internet vasitəsi ilə uşaqları öz qurbanlarına çevirir, bataqlıq kimi özlərinə cəlb edərək həyatlarına çox ciddi təsirlər edirlər. İnternetin insan alverinə yol açdığı da xüsusi vurğulandı.İnsan alveri probleminin xüsusiyyətləri, insan alveri və məcburi əmək cinayətlərinin törədilməsinə şərait yaradan hallar, uşaqların insan alverinə məruz qalması riskləri, ,152 qaynar xətt xidmətləri barədə məlumat verildi.
Sonda ümumi nəticəyə gəlindi ki, internetsiz həyatı təsəvvür etmək mümkün olmadığı üçün ,İKT-dən ancaq biliklərin təkmilləşdirilməsi üçün düzgün və qədərində istifadə etmək lazımdır.