Bərk məişət tullantılarının idarə edilməsi sahəsində şagirdlərlə maarifləndirmə işi aparıldı.
![](https://bakimektebleri.edu.az/uploads/news_gallery/1669114887637cac07272db0.91202172.jpeg)
Coğrafiya fənn müəllimi Nuranə Abbasova məişət tullantılarının idarə edilməsi haqqında hazırladığı təqdimatda plastik kütlələrin məişətimizi ciddi şəkildə çirkləndirdiyini söylədi. Vurğuladı ki, ki,plastik məmulatlar insan üçün daha xeyirli vasitə ilə əvəz olunmalıdır.
Müzakirədə bərk məişət tullantılarının idarə edilməsi, xüsusilə də məişət tullantılarının çeşidlənməsi, bu istiqamətdə maarifləndirmə işlərinin aparılmasının vacibliyi önə çəkildi.
Şagirdlər bərk məişət tullantılarının növləri və təkrar emalı barədə məlumatlar verdilər. Tullantıların idarə edilməsi sisteminin təşkili zamanı təkrar xammal əldə etməyin mümkünlüyünü bildirdilər, bu prosesin ekoloji və iqtisadi baxımdan əhəmiyyətli olduğunu qeyd etdilər.