Şagirdlərimiz İstiqlal muzeyində və “YARAT” müasir incəsənət məkanında ekskursiyada olmuşdur
Məktəbin bir qrup şagirdi 10.03.2016 cı il tarixində “İstiqlal “muzeyinə,digər qrupu isə 18.03.16-cı il tarixində “YARAT” müasir incəsənət məkanında olmuşlar. Şagirdlər İstiqlal muzeyində ən qədim zamanlardan müasir dövrümüzə qədər Azərbaycan xalqının mədəni tarixi həyatındakı mühüm hadisələri və xalqımızın azadlığı uğrunda çarpışan fədailərin mübarizə yolu haqqında məlumatlar əldə etmişlər,tarixi eksponatlarla tanış olmuşlar.“YARAT” müasir incəsənət məkanı ilə tanış olan şagirdlər isə maraqlı mövzularda söhbətləri, təqdimatları dinləmişlər. Muzey əməkdaşları şagirdləri rəssamların və heykəltəraşların əsərləri ilə tanış etmiş, şagirdlərə qısa video animasiyalar nümayiş etdirmişlər. Sonda şagirdlər arasında yarış təşkil edilmiş,yarış qaliblərinə hədiyyələr təqdim edilmişdir. Müəllim və şagirdlər “YARAT” müasir incəsənət məkanından xoş təəssüratla ayrılmışlar.
