Hərbi İdman Bayramı
May ayının 30-da məktəbdə X sinif şagirdlərinin iştirakı ilə keçirilən “Çətin təlim, asan döyüş” adlı Hərbi –İdman bayramı Ulu Öndər Heydər Əliyevin anadan olmasının 96-cı il dönümünə həsr edilmişdir. Tədbir Dövlət Himninin ifası ilə başlamış, söz məktəbin direktoru S. Əzimovaya verilmişdir. Məktəbin direktoru bütün Şəhidlərimizin xatirəsinin 1 anlıq sükutla yad edilməsini xahiş etmişdir. Sonra söz BŞTİ-nin əməkdaşı Rövşən Qasımova verilmişdir. R.Qasımov tədbirin əhəmiyyətini xüsusi vurğulamış, bildirmişdir ki, bu tədbir şagirdlərin vətənpərvərlik ruhunda tərbiyəsində xüsusi rol oynayacaq.
Tədbirdə iştirak edən 3 onuncu sinfin şagirdləri yarışlarda aşağıdakı mərhələlərdən keçmişlər:
1. Sıra hazırlığı
2. Mülki müdafiə hazırlığı
3. Fiziki hazırlıq
4. Silahlar və atəş hazırlığı
5. Taktiki hazırlıq
Bütün yarışlar təlimata uyğun aparılmışdır.
Yarışlarda fəal iştirak edən 10 ç sinfi I yerə layiq görülmüşdür. Digər iki sinif: 10 a II və 10 b sinfi isə III yerləri tutmuşlar.
