Əbədiyaşar Lider
May ayının 10-da məktəbdə Ulu Öndərin anadan olmasının 96-cı il dönümünə həsr edilmiş, silsilə tədbirlərdən biri olan, “Böyük Şəxsiyyətin Sevdikləri” mövzusunda tədbir keçirilmişdir. Tədbiri məktəbin direktoru Sədaqət Əzimova açaraq mövzu ilə bağlı məlumat vermiş, “Xor” kollektivinin ifasında “Uşaq Himni” səslənmişdir. Tədbir dərnək üzvlərinin iştirakı ilə davam etdirilmiş, Ulu Öndərin sevdikləri insan, insani keyfiyyət, incəsənət xadimləri, yazıçılar, şairlər, şeir, bayram, əsərlər haqqında geniş məlumat verilmiş, video lentlər nümayiş etdirilmişdir. Tədbirdə Badamdar Bələdiyyəsinin sədri Təzəxan Məmmədov, Badamdar qəsəbəsi üzrə icra nümayəndəsi Natiq Abbasov, KİV nümayəndələri də iştirak etmiş tədbirə yüksək qiymət vermişlər. Tədbirin sonunda şagirdlər və qonaqlar məktəbin həyətində ağac və gül əkinində iştirak etmişlər.
