Zərərli Vərdişlərə Yox Deyək
May ayının 8-də məktəbdə “Narkomaniya, erkən nigah, mənəvi psixoloji durum” mövzusunda geniş tədbir keçirilmişdir. Tədbiri məktəbin direktoru Sədaqət Əzimova açaraq Şuşanın işğalı ilə bağlı məlumat vermiş, Şəhidlərimiz bir anlıq sükutla yad edilmişdir. Tədbirdə məktəbin yuxarı sinif şagirdləri, sinif rəhbərləri iştirak etmişlər. Bakı Şəhər Polis İdarəsinin şöbə rəisi-Məryəm Ömərova, Səbail Rayon Polis İdarəsinin şöbə rəisləri Elnur İsgəndərov, Əsəd Umbayev, İlahiyyatçı alim Sadiq Əsgərov, həkim narkoloq Fizzə Baxışovanın çıxışları şagirdlərin mövzu ilə bağlı məlumatlandırılmasında xüsusi əhəmiyyət kəsb etmişdir. Tədbirin sonunda Səbail Rayon Polis İdarəsinin əməkdaşlarının sinif rəhbərləri ilə birgə iclası keçirilmiş və onlara xüsusi təlimatlar verilmişdir.
