239 №-li tam orta məktəb

01.03.2016-cı il tarixində T.Məmmədov adına 239№-li tam orta məktəbdə “1 Mart - Ümumdünya Mülki Müdafiə Günü” nə həsr olunmuş tədbir keçirilmişdir.Məktəbin Mülki Müdafiə planına əsasən konkret təbliğat xarakterli tədbirlər nəzərdə tutulmuşdur.Məktəb kollektivinin yarana biləcək fövqəladə hallara hazır olması, fövqəladə hallar zamanı davranış qaydaları, özünə və digərlərinə ilkin tibbi yardımın göstərilməsi və mülki müdafiə sahəsində mükəmməl vərdiş və biliklərə yiyələnməsinə nail olmaq məqsədi daşıyan tədbirlərdə məktəbin müəllim və şagirdləri iştirak etmişlər.Tədbirdə şagird və müəllimlərin iştirakı ilə xilas etmə işləri,yanğınsöndürmə,ilk tibbi yardımın göstərilməsi praktiki olaraq yerinə yetirilmişdir.Mülki Müdafiə əmlakları,ədəbiyyatlar,plakatlar nümayiş etdirilmişdir.II,V,VI siniflərdə “1 Mart - Ümumdünya Mülki Müdafiə Günü” nə həsr olunmuş açıq dərslər keçirilmişdir.Saat 9.00-da başlamış tədbir,17.00-a kimi davam etmişdir.