Gənc şairə ilə görüş
Azərbaycan Respublikası Təhsil Nazirliyinin “Ümumtəhsil məktəb şagirdlərinin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı tədbirlər barədə 16 dekabr 2014 –cü il tarixli 1279 nömrəli əmrini rəhbər tutaraq, Bakıdakı 239 №-li tam orta məktəbdə 03.02.2015-ci il tarixində Gənc Ədiblər Məktəbinin məzunu, Azərbaycan Yazıçılar Birliyinin üzvü gənc şairə Arzu Hüseynlə görüş keçirilib. Görüşün təşkilatçısı olan AYB Bədii Ədəbiyyatı Təbliğ Bürosunun direktoru şair Nazim Əhmədli dövlətin yaradıcı gənclərə qayğı və dəstəyindən söz açıb, gənc şairə Arzu Hüseynin yaradıcılığı haqqında düşüncələrini bölüşüb, onu ədəbi sahədə ümidverici gənclərdən biri kimi səciyyələndirib. N.Əhmədli gənc yaradıcılarla belə görüşlərin əhəmiyyətini vurğulayıb.
