“31 dekabr – Dünya Azərbaycanlılarının Həmrəylik Günü”
30.12.2015 – ci il tarixində Bakı şəhəri T.Məmmədov adına 239№-li tam orta məktəbdə “31 dekabr – Dünya Azərbaycanlılarının Həmrəylik Günü” və Yeni il münasibəti ilə tədbir keçirilmişdir. Tədbir dövlət Himni ilə açılmış və məktəbin direktoru, Respublikanın əməkdar müəllimi Sədaqət Əzimovaya söz verilmişdir. Sədaqət Əzimova “31Dekabr - Dünya Azərbaycanlılarının Həmrəylik Günü” ilə bağlı Ulu Öndər Heydər Əliyevin xidmətlərindən söz açmış, “Heydər Əliyev və Azərbaycanın Dünyaya inteqrasiyası” mövzusunda çıxış etmişdir. Sonra söz Məktəblilərin “31 Dekabr - Dünya Azərbaycanlılarının Həmrəylik Günü” nə həsr olunmuş “Azərbaycan folkloru” xalq yaradıcılığı festivalında fəal iştirak edərək I (Çumruq – Çumruq qrupu, 9-cu sinif şagirdi Cəfərova Aynur ) və III (4-cü sinif şagirdi Həsənova Mehin) dərəcəli diplomlara layiq görülmüş “Çumruq – çumruq” qrupuna, digər iştirakçılara verilmişdir. Məktəb rəhbərliyi tərəfindən festivalın fəal iştirakçılarına hədiyyələr və diplomlar təqdim edilmişdir.Tədbir Yeni il şənliyi ilə davam etmişdir.
