239 №-li tam orta məktəb

“İçərişəhər” Dövlət Tarix-Memarlıq Qoruğu İdarəsi və ‪TəhsilNazirliyi‬ birgə məktəblilər üçün maarifləndirici tur aksiyaları davam etdirir. Məktəblilərə xoş və mənalı istirahət bəxş etməklə yanaşı, bu tur aksiyalar İçərişəhərdə yerləşən tarixi-mədəniyyət abidələrini, habelə tariximizi, mədəniyyətimizi, adət-ənənələrimizi daha yaxından tanımaq baxımından xüsusi əhəmiyyət daşıyır.Bu gün İçərişəhərin qonağı Bakının Səbail rayonu 239 nömrəli tam orta ‪‎məktəb‬in şagirdləri oldu. Qədim Qala divarları ilə əhatələnmiş unikal şəhərsalma kompleksi olan “İçərişəhər” Dövlət Tarix-Memarlıq Qoruğu və burada yerləşən muzey ekspozisiyaları məktəblilərin böyük marağına səbəb oldu. Şərq memarlıq üslubunda tikilmiş tarixi-memarlıq abidələri, Qız Qalası, Şirvanşahlar Saray Kompleksi kimi dünya əhəmiyyətli abidələr, eləcə də tarix-memarlıq abidələrinin geniş spektri - karvansaraylar, hamamlar, məscidlər, ölkə və yerli əhəmiyyətli digər abidələrlə zəngin olan tarixi məkandan məktəblilər zəngin təəsüratlarla ayrıldılar.