BAHAR GÜLÜR,GÜNƏŞ GÜLÜR, EL GÜLÜR
Bildiyimiz kimi Novruz – Azərbaycan Xalqının Milli Bayramıdır. Mart ayının 14-də məktəbdə Novruz bayramına həsr olunmuş ”Bahar gülür, günəş gülür, el gülür” adlı tədbir keçirilmişdir. Tədbiri məktəbin direktoru Əzimova Sədaqət xanım açaraq, Novruz bayramının tarixi barədə geniş məlumat vermiş və onu da qeyd etmişdir ki, Ümummilli liderimiz Heydər Əliyev hakimiyyətə gələndən sonra ölkəmizdə bu bayram daha möhtəşəm qeyd olunmağa başlamışdır. Sədaqət xanım tədbir iştirakçılarını Novruz bayramı münasibətilə təbrik etmiş, tədbirin təşkilatçılarına məktəb rəhbərliyi tərəfindən təşəkkür etmişdir. Tədbirdə şagirdlər Novruz bayramı ilə bağlı şeirlər söyləmiş , mahnılar ifa etmiş, oyunlar, rəqslər,səhnəciklər nümayiş etdirmişlər. Məktəb şagirdlərinin ifasında “Haxışta” və “Kosa-Kosa” kütləvi xalq meydan tamaşası tədbir iştirakçıları tərəfindən böyük maraqla izlənmişdir.
