Ana dili ən böyük milli sərvətdir
“Ana dilimiz müstəqil Azərbaycanın, Azərbaycan xalqının ən böyük milli sərvətidir”-deyirdi Ulu Öndər Heydər Əliyev.
Fevral ayının 21-də məktəbimizdə “Ana dili ən böyük milli sərvətdir” mövzusunda
geniş tədbir keçirilmişdir. Ayrı-ayrı siniflərdə mövzu ilə bağlı dərslər keçirilmiş, inşa yazı müsabiqəsi təşkil edilmişdir. Tədbirin təşkilində məktəb kitabxanasının materiallarından geniş istifadə olunmuşdur.
Məktəbin kitabxana müdiri Cəfərova Kifayət Azərbaycan dilinin tarixi ilə bağlı geniş məlumat vermiş, mövzu ilə bağlı slaydlar nümayiş etdirilmişdir.
Məktəbin Azərbaycan dili və ədəbiyyat müəllimi Həsənova Xədicə tədbiri Ulu Öndər Heydər Əliyevin dil haqqında dediyi aforizmlərlə davam etdirmiş, dərs dediyi şagirdlər isə görkəmli şəxsiyyətlərin şeirlərini və dil haqqında fikirlərini böyük ruh yüksəkliyi ilə tədbir iştirakçılarına çatdırmışlar. Tədbirin sonunda Xədicə Həsənovanın yetirmələri mövzu ilə bağlı təqdimatlarını irəli sürmüşlər.
