Şəhidlər Xiyabanı-And Yerimizdir
Yanvar ayının 17-18-19 tarixlərində məktəbimizdə 20 Yanvar faciəsi ilə bağlı geniş tədbirlər keçirilmişdir.Bütün tədbirlər məktəbin Tədbirlər Planına əsaslanaraq həyata keçirilmişdir.Həmin günlər ərzində məktəbin əksər sinifləri və məktəb kollektivi Şəhidlər Xiyabanını ziyarət etmişlər.
“Şəhidlər Xiyabanı-and yerimizdir” mövzusunda rəsm, şeir, inşa yazı müsabiqələri təşkil edilmişdir.Müsabiqə qalibləri yuxarı təşkilatlara təqdim edilmiş, iştirakçı şagirdlər Sertifikat və Diplomlarla təltif olunmuşlar.
“Şəhidlər Xiyabanı-and yerimizdir” mövzusunda “Dəyirmi masa” keçirilmiş, şagirdlərə mövzu ətrafında videolentlər, slaydlar nümayiş etdirilmişdir.
Məktəbin 7 “C” və 6 “Ç” sinif şagirdlərinin ifasında “Qərənfil-Şəhid qanı” mövzusunda ədəbi-bədii kompozisiya nümayiş etdirilmişdir.
Məktəbimizdə 19 yanvar 2018-ci il tarixdə ilk dərslər 20 Yanvar faciəsinə həsr edilmişdir.
Bütün siniflərdə 20 yanvar faciəsinin 28-ci ildönümünə həsr olunmuş divar qəzetləri tərtib edilmiş, foto guşələr yaradılmışdır.
