Dünya Azərbaycanlılarının Həmrəylik Günü
Dekabr ayının 28 - də məktəbimizdə 31 dekabr Dünya Azərbaycanlılarının Həmrəylik Gününə həsr edilmiş geniş tədbir keçirilmişdir.Badamdar qəsəbə Bələdiyyəsinin rəhbərliyi, Səbail rayon İcra Hakimiyyətinin Badamdar qəsəbəsi üzrə nümayəndəliyinin rəhbərliyi, valideynlər və ictimaiyyətin nümayəndələrinin iştirakı ilə keçirilən tədbir Dövlət Himni ilə başlanmışdır.Ulu Öndər Heydər Əliyev tərəfindən əsası qoyulan 31 dekabr Dünya Azərbaycanlılarının Həmrəylik Gününün yaranma tarixi haqqında tədbir iştirakçılarına geniş məlumat verilmiş, videolentlər nümayiş etdirilmişdir.Mövzu ilə bağlı yuxarı sinif şagirdlərinin təqdimatları irəli sürülmüşdür.Tədbir məktəbin “Xor” kollektivi və onun ayrı ayrı üzvlərinin ifasında mahnıların təqdimatı ilə davam etmişdir.Sonda bütün tədbir iştirakçıları Badamdar qəsəbəsində yerləşən “Heydər Əliyev” parkında Ulu Öndər Heydər Əliyevin abidəsini ziyarət etmiş, abidənin qarşısına tər çiçəklər qoymuşlar.
