Ölməz sənətkar – Bülbül
Dekabr ayının 5-də məktəbimizdə Azərbaycan xalqının görkəmli müğənnisi Bülbülün 120 illik yubileyinə həsr edilmiş “Ölməz sənətkar – Bülbül” movzusunda tədbir keçirilmişdir.Tədbirdə Bakı Şəhəri üzrə Təhsil İdarəsinin, Səbail Rayon İcra Hakimiyyətinin, Badamdar Bələdiyyəsinin rəhbərliyi, KİV nümayəndələri, məktəbin şagird və müəllimləri, məzunlar,beynəlxalq müsabiqə qalibləri, Respublikanın Xalq artisti “Şöhrət” Ordenli, Prezident təqaüdçüsü, professor Mənsum İbrahimov iştirak etmişlər.Tədbiri məktəbin direktoru, Əməkdar müəllim Sədaqət Əzimova açmış, Dövlət Himni səslənmişdir. Söz məktəbin fəxri valideyni Mənsum İbrahimova verilmişdir. Xalq artisti “Ölməz sənətkar-Bülbül” mövzusunda maraqlı çıxış etmişdir.
Tədbir məktəbin şagirdlərinin ifasında “Bizim Bülbül” ədəbi - bədii kompozisiya ilə davam etmişdir. ”Bizdə şeir də var, sənət də vardır” dərnəyinin üzvləri Bülbülün həyat və yaradıcılığına müraciət etmiş, onun repertuarından olan mahnıları səsləndirmişlər. Məktəbin məzunları və gənc müğənnilərin ifasında mahnılar təqdim edilmişdir.
Sonda Bakı Şəhəri üzrə Təhsil İdarəsinin müdir müavini Filologiya elmlər doktoru, professor Hüseyn Əsgərov tədbir haqqında öz təssüratlarını bölüşmüş, məktəbin kollektivinə gələcək fəaliyyətində daha böyük uğurlar arzulamışdır.
