Vətənpərvər oxucular
T.Məmmədov adına 239 nömrəli tam orta məktəbdə 25 Aprel “Beynəlxalq Oxu” günü münasibətilə Azərbaycan dili və Ədəbiyyat fənn metodbirləşməsi “Şəhidlik zirvəsi” aylığı çərçivəsində “Vətənpərvər oxucular” mövzusunda tədbir keçirmişdir.Tədbirdə “Həyat üçün doğulub, Vətən üçün dünyasını dəyişən Şəhidlərimiz”ə ithaf olunmuş əsərlərə istinad edilmişdir.Bir araya toplaşan məktəbin fəal oxucuları – şagirdlər Şəhidlərə həsr olunmuş poeziya nümunələrini böyük məhəbbətlə, ürək yanğısı ilə əzbər söyləmişlər. Eyni zamanda şagirdlər tərəfindən Şəhidlərimizə həsr olunmuş müxtəlif poeziya nümunələrinin qıraəti təşkil edilmişdir.Vətənpərvərlik mövzusunda yazılmış ən yaxşı inşa nümunələri məktəblilər tərəfindən təqdim olunmuşdur. Mövzu ilə bağlı şagirdlərin elektron təqdimatları oxucularda böyük maraq yaratmışdır.Tədbir şagirdlərin ifasında “Ağlama ,ana” mahnısı ilə yekunlaşmışdır.
