Aprel Zəfəri– Şanlı Tariximiz
T.Məmmədov adına 239 nömrəli tam orta məktəbdə “Şəhidlik zirvəsi” aylığı çərçivəsində məktəbin tarix müəllimləri “Aprel zəfəri – Şanlı tariximiz” mövzusunda tədbir keçirmişlər. Tədbiri məktəbin direktoru Sədaqət Əzimova açaraq, Aprel ayının məktəbdə“Şəhidlik Zirvəsi” aylığı kimi elan edilməsi haqqında geniş məlumat vermişdir. 1-5 Aprel 2016-ci il tarixində cəbhədə baş verən hadisələr, döyüşlər, döyüşçülərimizin qəhrəmanlıqları haqqında danışaraq, Şəhidlərimizin xatirəsinin daim əziz tutulacağını bildirmişdir. Məktəbin direktoru dövlət başçımız cənab İlham Əliyevin şəhid ailələrinə olan böyük qayğısını və diqqətini xüsusi vurğulamışdır. Tədbir məktəbin tarix metodbirləşməsinin rəhbəri Rita Novruzovanın mövzu ilə bağlı məruzəsilə davam etdirilmişdir. Tədbirdə “Aprel zəfəri – Şanlı tariximiz” mövzusunda videolentlər nümayiş etdirilmiş, yuxarı sinif şagirdlərinin təqdimatları irəli sürülmüşdür. Məktəbin (10 "A") sinfində hərbi rəhbər Nizaməddin Məsməliyevin “Müqəddəs sərhədlərimiz” mövzusunda açıq dərsi dinlənilmişdir.
