"SON ZƏNG"
Bakı şəhəri T.Məmmədov adına239 saylı məktəbdə 29.05.2015-ci il tarixində ”Son zəng”tədbiri keçirilmişdir.Tədbiri məktəbin direktoru,Respublikanın əməkdar müəllimi Sədaqət Əzimova açaraq məzunları təbrik etmiş,müasir dövrdə təhsilə dövlət qayğısından danışmış, 2014-2015-ci tədris ilində məktəbin əldə etdiyi nailiyyətlərdən söhbət açmışdır.Tədbirdə iştirak edən Səbail İcra Hakimiyyətinin əməkdaşı Q.Məmmədzadə, ATİAHİ Səbail rayon komitəsinin sədri M. Abbasov, Badamdar Bələdiyyəsinin sədri H.Əsədov,valideynlər və ictimaiyyətin digər nümayəndələri çıxış edərək məzunları təbrik etmiş,məktəbə öz fəaliyyətində yeni-yeni nailiyyətlər arzulamışlar. Məktəbin 10-cu sinif şagirdi Mircəlal Mirhəşimli Respublika fənn olimpiadalarının final mərhələsində (riyaziyyat) bürünc medala layiq görüldüyü üçün Badamdar Bələdiyyəsi tərəfindən mükafatlandırılmışdır.
